Shillong, Nailur 27 : Ka Meghalaya Cricket Association ka la pynbna ïa ka thup kyrteng jong ki 15 ngut ki dkhot na ka bynta ka lympung ïalehkai U-19 Vinoo Mankad Trophy, kaban sdang naduh u bnai ban wan.
Ïa ka kynhun ïalehkai jong ka jylla yn ïalam da u Mrityunjay Bharali ryngkat u Mrinal Das kum u nongïarap jong ka kynhun ha katei ka jingleit aireng kaban sdang nyngkong da ka jingïakhun pyrshah ïa ka Odisha ha ka 07tarik u Risaw mynta u snem.
Kum ka jingai mynsiem ïa ka kynhun ba kin lah ban ïalehkai bha na ka liang ka synjuk ka la pynlong ïa ka jingai khublei kitbok ha ka jingïalang kaba long ha madan Polo ryngkat ka jingdonlang u Secretary ka MCA Bah Gideon Kharkongor nalor kiwei kiwei ki nongïalam jong ka synjuk.
Katei ka kynhun ka kynthup ïa u Mrityunjay Bharali (captain), Mrinal Das (vice-captain), Dipankar Barua, Sachin Kumar, Ayushman Das, Snehal Dutta, Pushkar Raj Singh, Josiah Wanniang, Shavian Blah, Raghav Magotra, Bharat Gurung, Jeremiah L Kynshi, Bosrang R Marak, Banïalam Mylliemngap bad u Gavineal Marpna
Ki nongïarap ka kynhun pat ki kynthup ïa u Satya Pal Yadav (coach), Tejas R Vala (trainer), Hamboy Langbang (physio) bad u Shankar Newar (manager)
Ki prokram ïakhun jong ka Meghalaya ki long 07tarik pyrshah ïa ka Odisha, nangta 08tarik pyrshah ïa ka Goa, 10tarik ïa ka Tripura, 12tarik ïa ka Vidarbha bad 14tarik ïa ka Rajasthan.
