Shillong, Nailur 26 : U Myntri Rangbah ka jylla, Conrad K Sangma ha ka sngi Nyngkong u la ong ba ki buh thong ba la kumno kumno kin ïoh plie noh ïa ka Taj Vivanta ne ka Crowborough Hotel ha ka 14tarik u bnai ban wan namar kiba pyntrei ïa ka ki pan por sa kumba 10 sngi ei ei ban pyndep pura ïa ka.
Shwa kane, u Myntri Rangbah u la ïathuh ruh ba ha katei ka sngi ka kynhun na Taj ka la wan ban jurip ïa ka rukom pynbit pynbiang bad kala ai ruh katto katne ki jingkdew kiba hap ban pyndep.
“Ki donkam sa kumba 5-10 sngi ei ei ban pyndep ïa kiba kam ba sah ba ka Taj ka kwah,” la bynrap biang u Myntri Rangbah. La iathuh ruh ba ha ka jingkren bad u Managing Director jong ka Taj Group, u Puneet Chatwal ki la buh sngi ba la kumno kumno kin plie noh ha ka 14tarik u Risaw mynta u snem.
“Kumta tang shu bïang nadong shadong kumba ki kwah, ngi khmih lynti ba ngin ïoh plie noh ha ka 14tarik.”
