Jowai, Nailur 26 : Ka lympung ïalehkai ‘Quarter Final’ jong ki 40 snem shaneng ne ka ‘40 Above Veteran Knockout Football Tournament-2022′ bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Dongmihsngi, Jowai.
Ha ka jingïakhun ba nyngkong ka kynhun jong ka Mawryngkneng FC kala jop da 10-1 ïa ka Catholic Youth, ïa ki kol naka Mawryngkneng la thep saw kol da u Ngietlang Sutnga ha ka minit ba 12, 13, 24 & 4, u Goldenstar Mukhim ha ka minit ba 39, u Kitbok Pyngrope lai kol ha ka minit ba 36, 46 & 75, u Elphidius Wanshong ha ka minit ba 49 bad u Talme Warjri ha ka minit ba 79. Katba ïa ka shikol na ka Catholic Youthla thep da u Tikiboru Pale ha ka minit ba 60.
Haba phai sha ka jingïakhun kaba ar na ka liang ka Friends United FC kala lah ban pynliem da 2-0 kol ïa ka Mawlai, ïa kitei ki ar kol na ka Friends United la thep da u Arhius Nongbet ha ka minit ba 50 bad u R. Gurung ha ka minit ba 68.
Ka jingïakhun Quarter Final lashai ka sngi kan long hapdeng Real OIG pyrshah ïa ka Rympei haka por 1 baje nohphai sngi, katba ka jingïakhun ba ar ka Western United pyrshah ïa ka 12 Dalloi ha ka por 3 baje janmiet.
