Shillong, Lber, 31: Ki nongdie dohsniang kiba don hapoh ka shatri jong ka Khasi Jaiñtia Pigs Butcher Association (KJPBA) ha ka jingïalang kaba la long ha ka sngi Palei ka la shim ïa ka rai ban pynkiewdor noh ïa ka dohsniang na ka T. 380 shi kilo sha ka dor thymmai kaba T. 420 shi kilo.
Ha ka jingïakren bad ki lad pathai khubor hadien ba la wai ka jingïalang kaba la long ha ka jaka shohdoh ha Mawiong u General Secretary jong ka KJPBA u Bah Andy lyngdoh ula ong ba ka jingpynkiewdor ïa ka dohsniang ka long namar ka jingkiew dor shaba palat ha ka leit ka wan ban kit ïa ki sniang nabar ka jylla.
U la ong ruh ba ïa ki sniang ba la poi ha Byrnihat la pynpoi duna haduh katta katta sha ka jylla Meghalaya hynrei kham bun la shalan beit sha ka nongbah Dimapur, Nagaland namarba ka dor jong u sniang ka kham heh.
