Yn pynlong jingïakynduh lang bad Seminar ka Samla Seng Khasi Riwar Mihngi Tnat Shillong

Shillong, Nailur: Ka Samla Seng Khasi Riwar Mihngi Tnat Shillong, kan pynlong ïa ka jingïakynduh lang bad Seminiar 2022, jong ki khun samla ka thaiñ kiba shong ba sah, ba pule puthi bad ba trei ba ktah ha ka nongbah Shillong ha ka 25 tarik mynta u bnai ha Seng Khasi College, Jaiaw Shillong naduh ka por 11 baje mynstep haduh 4:30 jan miet.
Ha katei ka sngi yn sdang shwa da ka Seminar ha ka por 11 baje mynstep halor ka phang; “Ka jingsynjor ka jingngeit Tynrai ha ki khun samla Khasi Khara,” ha kaba yn wan ban aijingkren bad ka jingpynshai na ka liang ki riew rangbah bad ki longkmie bad hadien yn sa bud pat sa ka jingïalang paidbah naduh ka por 2 baje nohphai sngi.
Kumta na ka liang ka Seng ha u kyrwoh lyngba u Samla S.Khongtir, Secretary ka khot ka wer sngewbha ïa baroh ki para thaiñ kiba bat ba ksoh ha la ka niam tynrai kiba shong ba sah, ba pule puthi bad kiba trei ba ktah ha Shillong, kata naduh ki longkmie, ki longkpa, ki samla, ki hep barit, ki parakur parakha, ki paralok parajor ban ïa wan pynshit pynshngaiñ lang ha katei ka sngi khnang ba ka jingïakynduh lang jong ki khun samla ka thaiñ Riwar Mihngi kan long kaba phuh ba phieng.
ïa ki jingtip ba kham bniah lah ruh ban phone sha u president ne secretary jong ka Samla Seng Khasi Riwar Mihngi, Tant Shillong ha kine ki nombor :8257850230 / 8794838306.