Nongstoiñ, Nailur, 20: U Deputy Commissioner (Supply) jong ka West Khasi Hills District, Nongstoiñ u la pyntip ba ki License jong baroh ki nongsam Rashon FPS dealer hapoh Nongstoiñ Sadar Sub-Division kin kut noh ha ka 31 tarik Nohprah 2022. Kumta la bthah ïa baroh ki Sordar/Headmen ba ki dei ban pynthymmai noh ïa ki License jong ki nongsam khaw hapoh ki Centers jong ki na ka bynta u snem 2023-2027, kaba mut kan long san snem kat bym pat ïoh jingbthah da kumwei pat. Ïa ki application dei ban pynpoi sha ka ophis jong u Deputy Commissioner (Supply), Nongstoiñ ha lane shwa ka 21 tarik u bnai Risaw 2022 bad ïa ki jingtip ba kham bniah lah ban ïoh na katei ka ophis.
