Shillong, Nailur 20 : Ka lympung ïalehkai phutbol Inter Dong Football Tournament 2022 jong ka Jongksha ka la poi noh sha kaba kut ha ka sngi Saitjaiñ jong ka taïew ba lah dep. Ha katei ka lympung ba mynta u snem ka Mawpun SC ka la ïoh rah ïa ka nam lahduh hadien ba ka la pynliem ïa ka Shlem SC lyngba ka jingïashut tie-breaker da 4-3 kol ha ka jingïakhun final kaba ïakhaid bha kaba la pynlong ha madan shong Jongksha.
Ka Mawpun SC kaba la long ka lahduh ka la ïoh rah ruh ka song pisa ba 10,000 tyngka katba ka Shlem SC kaba wan ba ar ka ïoh 5,000 tyngka. Ïa katei a lympung la wan ban pynhap pyrda noh da u Bah B. Songthiang uba dei ruh u finance secretary ka shnong Jongksha uba la sam ruh ïa kitei ki khusnam song pisa. Ha katei ka lympung ki la don 10 tylli ki team kiba la ïashim bynta.
