Jowai, Nailur 19 : Ki rangïalehkai Badminton jong ka West Jaiñtia District Badminton Association (WJDBA) Jowai lashai ka sngi 20 tarik mynta u bnai kin mihkhmat ïa ka District ban leit ïashim bynta sha ka lynpung ïalehkai Badminton ha Tura ka ban sdang naduh ka 21-9-2022 haduh ka 24-9-2022.
Ïa kane ka lympung ïalehkai Badminton la tip kum ka ‘37th State Badminton Championship-2022’ bala pynïaid daka Meghalaya State Badminton Association, Shillong baroh ki rangïalehkai Badminton ka WJDBA ki ban ïashim bynta ha ki kyrdan bapher bapher ki don haduh 31 ngut kynthup lang ïa u Head Coach u ma Da u ru Laloo, Assistant Head Coach ma Homelin Bareh, Manager ma Teddy Laloo bad u Assistant Manager ma Damehi Suchiang,
Ki rangïaleh ka WJDBA ki ban ïashim bynta ha ka kyrdan Under 15 Boys (Single) ki don 3 ngut, Under 15 Boys (Doubles) 2 ngut, Under 17 Boys (Single) 6 ngut, Under 17 Boys (Doubles) 8 ngut, Under 19 Boys (Single) 6 ngut, Under 19 Boys (Doubles) 8 ngut. Ha ka Open Category (Single) ki don 15 ngut, Open Category (Doubles) 12 ngut, Under 15 Girls (Single) iwei, Open category (Doubles) 2 ngut.
Na ka liang ka West Jaiñtia District Badminton Association (WJDBA) Jowai ka kitbok kit rwaing ïa kitei ki rangïalehkai Badminton ba kin ïoh ka jingkoit jingkhiah, kin long kiba mihnoh thop ha ki jingïakhun bad ka Association ka kyrmen skhem ba ki wanrah ïa ka jingjop bad ïa ka nam ka burom ïa ka District hi baroh kawei.
