Jowai, Nailur 18: Ka Amlarem Sub-Division Sports Association (ASSA) kala pyntip ba shen yn sa sdang noh ïaka Football League naduh ka 15 tarik u Risaw, 2022 ha ki kyrdan bapher bapher bad ïa kane yn pynïalehkai ha madan phutbol ka ASSA ha Lad Japlem, Amlarem.
Na ka liang ka Association ka khot bad wer ïa baroh ki Club kiba hap hapoh ka Sub-Division kiba kwah ban ïashim bynta ba kin long kiba la pynkhreh bad ka jingpdiang ïaki Club ban wan ïashim bynta ha kane ka samoi ïalehkai kan long ha lane shwa ka 30 tarik u Nailur, katba ka tarik ba khadduh ka jingïasoi Club ki nongïalehkai kan long haduh ka 11 tarik u Risaw 2022.
