Shillong, Nailur 18 : U Myntri ka tnad ka Koit ka Khiah ka Jyllla, James K Sangma mynta ka sngi U Blei u la pynhap pyrda ïa ka lympung ïalehkai All Shillong Open Snooker Tournament ba la pynlong da ka Meghalaya Billiards and Snooker Association ryngkat ka jingtreilang bad ka National People’s Youth Front Shillong City. Ïa ka nam lahduh ha katei ka lympung la rah da u Amar Nath Sharma hadien ba u la lah ban pynliem noh ïa u Jexial Nongkynrih ha ka jingïakhun phainal kaba itynnad bha.“U Amar uba long u lahduh na ki 48 ngut ki nongïakhun u la ïoh ban khur ïa ka song pisa kaba 50 hajar tyngka katba u Jexial pat u la ïoh ban khur ïa ka song pisa ba 30 hajar tyngka.“Ha ka sngi pynhap pyrda la wan ban donlang ruh ha ka MLA jong ka Shillong East Kong Ampareen Lyngdoh, nangta ka kyrtong ka NPP Nongthymmai Dr. Jasmine Lyngdoh bad ruh u kyrtong na North Shillong Bah Ransom Sutnga nalor u MDC ka Laitumkhrah Malki Bah Fantin, ki nongïalam ka NPYF kynthup naduh u Bah Nicky Nongkhlaw National President NPYF, Bah Mayborn Rapthap President Shillong City kumjuh Bah Manroi Kharpuri Vice President nalor ki nongialam ka Meghalaya Billiards and Snooker Association.
