Nongpoh, Nailur 15: Ki Pulit jong ka Jorabat Police Outpost mynta ka sngi kila ioh ban kem ïa uwei u runar u ba ju mlien ban tuh bad knieh pisa na kti ki briew.
Katkum ka jingtip bala ioh lum la ong ba utei u briew la tip kyrteng kum u Shankar Pandit ba khot sin kum u Shankar Thakur u ba dei na Hastinapur 9 mer, mynta ka step u la knieh pisa na uwei u briew harud surok bah National Highway ha Jorabat, hynrei utei u briew u ba la iohi ïa utei u nongtuh u la beh thong, hynrei u la pyrshang ban pynibor pynban da kaba pynap da ka tari, dei ha katei ka por da ka jingïarap jong ki paidbah bad ki nongñiah trok kila kem bad tied jem ïa u ha ban da biang bad aiti sha ki pulit jong ka Jorabat ban leh ïa kaba donkam.
La ong ruh ba utei u briew u dei uba ju mlien ban tuh bad knieh pisa na kti ki briew khamtam ki longkmie bad ka jingtohkit ki pulit ka dang ïaid shakhmat halor kine ki kam runar utei u runar.
