Shillong, Nailur 14 : Ki la don haduh 199 tylli ki case kiba la rejister kiba ngat ha ka kam tih dewiong beaiñ bad 1652 kiba khaïi dewiong beaiñ naduh ba la khang tih bad khaïi dewiong da ka NGT ha u snem 2014.
Na kitei kiba la rejister kiba la shah pynngat ha ki kyndon aiñ ki long 1462, 242 ki dei kiba la dep ïoh kaiphod bad 147 ki dei kiba dang don hapdeng ka jingtohkit, ïathuh u myntri kam pohïing ma Lahkmen Rymbui.
Ki don 495 kiba la shah rai pynrem naduh ba la khang da ka NGT ban tih bad khaïi dewiong beaiñ ha ka jylla.
U la ïathuh ba ki pulit ki la ïoh ruh ban kem ïaki nongkhaïi ksiar tuh ha ka jylla namar haduh mynta ki la ïoh ban kurup 1200 gram ki biskit ksiar kiba shongdor 27 lak tyngka.
