Jowai, Nailur 14 : Ka lympung ïalehkai ‘U Kiang Nangbah Memorial Trophy’ Super Division Football Tournament-2022 bala pynïaid da ka West Jaiñtia District Sports Association (WJDSA), kaba la long mynta ka sngi ha madan Kiang Nangbah Stadium Dongmihsngi, Jowai.
Haba phai sha ka jingïakhun hapdeng ki ar kynhun kata ka Mynthong pyrshah ïa ka Khimusniang, ha kaba ka kynhun jong ka Mynthong kala lah ban pynliem da 4-0 kol ïa ka Khimusniang. Ïa kitei ki kol na ka Mynthong la thep da u Romaric. B. Nguefang ha ka minit ba 18 & 84, u Jerry Shylla ha ka minit ba 31 bad u Sani Phawa ha ka minit ba 64.
Ka jingïakhun lashai ka sngi 15 tarik kan long hapdeng ka Sabahmuswang pyrshah ïa ka 7 Wasa ha ka por 3 baje janmiet.
