Shillong, Nailur 12 : Ka Meghalaya Athletics Association (MAA) kan sa pynlong ka prokram jied nongïalehkai kiban mihkhmat ïa ka jylla sha ka 2nd North East Games 2022 ba pynïaid da ka Meghalaya State Olympic Association (MSOA) kaban sa long hangne ha ka jylla (Meghalaya) naduh ka 30 tarik Risaw haduh 6 tarik Naiwieng 2022.
Ïa katei ka prokram jied nongïalehkai yn pynlong ha ka 24 tarik Nailur 2022 ha SAI, STC, Shillong Nehu naduh ka por 6 baje mynstep bad tang na bynta kiba dei ki nongshong shnong jong ka jylla Meghalaya.
Katkum ka kyrwoh khubor na ka MAA ba ki nongïashim bynta kin hap ban pynrung kyrteng ïalade ha ka website https://bit.ly/3RZcrKZ kata tang mar ar tylli ki jingïalehkai ba para marwei. Ïa ki number (Chest number) yn sa sam ha ka 24 tarik Nailur 2022 kaba dei ka sngi ban jied nongïalehkai ha SAI, STC, Shillong
kaban sdang naduh ka por 6 haduh 7 baje mynstep tang na bynta kito ki nongïalehkai kiba la pynrung kyrteng ïalade.
Ka tarik ban pdiang pynrung kyrteng kan kut haduh ka 20 tarik Nailur 2022 bad yn ym pdiang shuh ïa kiba thep kyrteng hadien katei ka tarik. Ki jait jingïalehkai ban sa pynlong na bynta ban jied nongïalehkai ki kynthup 1. Under-20 Years Boys 100M, 200M, 400M, 800M, 1500M, 5000M, 10000M, Long Jump, High Jump, Shot Put(6.00Kg), Javelin (800 gms), 4x100M & 4x400M Mixed Relays.
2. Under-20 Years Girls 100M, 200M, 400M, 800M, 1500M, 5000M, 10000M, Long Jump, High Jump, Shot Put(4.00Kg), Javelin (600 gms), 4x100M & 4x400M Mixed Relays. 3. Above – 20 Years Boys 100M, 200M, 400M, 800M, 1500M, 5000M, 10000M, Long Jump, High Jump, Shot Put(7.26Kg), Javelin (800 gms), 4x100M & 4x400M Mixed Relays. 4. Above – 20 Years Girls 100M, 200M, 400M, 800M, 1500M, 5000M, 10000M, Long Jump, High Jump, Shot Put(4.00Kg), Javelin (600 gms), 4x100M & 4x400M Mixed Relays.
Ki nongïalehkai kin hap ban pynbiang ki syrnot sngikha, syrnot skul, ki athlete kiba khlem leit skul kin hap ban ïoh ka syrnot sngikha na CHC bad PHC, ki athlete kiba la iehnoh ka jingleit skul kin hap ban pynbiang ki syrnot sngikha bad ka school leaving certificate na ki skul ba ki pule khatduh bad ka Achar Card.
