Ai jinghikai ka ophis DCPU-WJHD shaphang ka hok ki khynnah haka shnong Shkentalang

Jowai, Nailur 07: Ka District Child Protection Unit, West Jaiñtia Hills District Jowai ha ryngkat bad ka jingïatrei lang ki samla pule ka Martin Luthar Christian University, kila pynlong ïa ka prokram ai jinghikai (Awareness Programme) bad ka Street Play halor ka phang Juvenile Justice (Care & Protection of Children) Act 2015, bad ka POSCO Act 2012, Child Right, Child Abuse & Safety Tips ha ka shnong Skhentalang West Jaiñtia Hills mynta ka sngi 7 tarik jong u bnai Nailur 2022.
Ha kane ka prokram da ki spah ngut ki nongshong shnong ryngkat bad ki khynnah skul ki la ïa don lang ha ka tei ka sngi. Katba ïa ka Awareness Programme la pyllong ha Govt. L.P. School, Skhentalang.
Ha ka ba sdang jong ka programme, la ïoh ïa ka jingkren pdiang na i Nonghikai jong ka School, la ïoh ïa ka jingkren halor ka Juvenile Justice (Care & Protection of Children) Act 2015 bad Integrated Child Protection Scheme na ka kong R.D. Kynjing, District Child Protection Officer, District Child Protection Unit, West Jaiñtia Hills District Jowai. Ha kaba ka la ong ba ki khynnah ki donkam bha ban ïoh ïa ka jingsumar bad jingïada.
Kane ka Juvenile Justice (Child & Protection Of Children) Act 2015 ka peit kyrpang ïa ki khynnah ki ba hap ban ïaid lyngba ka aiñ bad ki khynnah ki ba donkam ïa ka jinghikai, jingsumar bad jingïada. Ha ba ong ki khynnah kiba hap ban ïaid lyngba ka aiñ ka thew ïa kito ki khynnah kiba tuh, ba pynïap briew bad ki ba shah bat bor (sexual abuse).
Shuh shuh kala kren ruh shaphang ki khunswet ki bym don shuh ki ba peit ba sumar, ki khynnah ba phetwir (missing students), ba la da lap ïa kum kine, dei ban report sha ki pulit lane phone ha u Child Line number 1098.
La ïoh ruh ïa ka jingkren na ka kong H. Lamare, Social Worker, District Child Protection Unit, West Jaiñtia Hills District Jowai halor ka phang Protection of Children from Sexual Offences Act 2012. Ka la ïathuh ba kane ka aiñ ka dei ban ïada ïa ki khyllung ki khynnah na ka jingshah bat bor kum ka sexual assault, sexual harassment bad pornography, da kaba ong ba bunsien hi ka jingbatbor ka dei ka kam ba la leh da kito ki briew ki ba ithuh ithaw bha.
Kala ai ruh ka jinghikai ba ha kino ki bynta jong ka met ba ym dei ban ktah lane leh kai, naba da ka ba ktah ne lehkai ka lah ban ïalam bakla ïa ka jingsngew jongno re jongno bad ka lah ban lam sha ka jingjia ka ba sniew. ‘ka daw ba ki khynnah ki ngop ha kum kine ki kam ba sniew ka long ba kiba bun hi ki shah ïalam bakla da ka ba peit ha ki Mobile phone” kumta ka kuntu ruh ba la da jia ba don kino kino ki case kiba kum kine, dei ban ïathuh kloi kloi sha kiba ha ïing ha sem bad ban report kloi sha Police Station bad ym dei ban sum kat bym pat dep leh ïa ki medical test khnang ban ïoh ïa ka sabut kaba paka.
La ïoh jingpynshai ruh halor ka Child Rights & Child Abuse na ka kong H. Challam, Social Worker, District Child Protection Unit, West Jaintia Hills District Jowai. Kaba la batai shaphang ki saw jait ki hok jong ki khynnah kum ka Right to Life, Right to Development, Right to Protection bad ka Right to participation. Kala kren ruh halor ka Child Abuse kum ka Physical abuse, Emotional Abuse, Sexual abuse bad Neglect Abuse.
Ïa ka Street Play la pyllong ha Skhentalang Market Place da ki samla pule jong ka Martin Luther Christian University ha kaba ki la pyni shaphang ka Child Harrasment, ka jingktah jong ka early marriage, ka jingktah ka ba bha bad ka ba sniew ha ki jaka paidbah ne ha ba shong kali lane kano kano ka jingktah ka bym sngewtynnad na ki nongwei bad ki la ai ruh ïa ka Safety tips.