Nongstoiñ, Lber 29: Ka lympung phutbol jong ka samoi 2019-20 kan bteng biang mynta ka sngi ha madan Mawkynjoiñ Laitkseh, ha kaba ka YBSC Shella bad ka Ryntih SC, kin mih madan biang na ka bynta ka semi final kaba nyngkong.
Lah ban pynkynmaw biang ba ïa kane ka lympung bna nam ha Laitkseh, la pynsangeh noh kyrkieh hadien ha ka jingwan jong ka khlam covid-19. Kumta na ka liang hadien katto katne snem, ka Laitkseh Sports Club ka la bteng biang ïa kane ka lympung ha ka taiew ba la lah. Kaba sah mynta jong kane ka lympung ka dei satang ki semi final bad na ka bynta ka tarik jong ka final yn sa pyntip kham hadien.
Lah ban kdew ruh ba ka semi final kaba ar kan long ha ka 7 tarik u Iaiong hapdeng ka 7 Brothers FC pyrshah ïa ka Lamare FC. Ka jingialehkai kan long beit thik ha ka por 2 baje noh phai sngi.
