Shillong, Lber 29: Ka Meghalaya kala khyllem lut baroh ki wicket bad kamai 132 ron ha ka inning kaba nyngkong ha ka lympung ïalehkai Col CK Nayudu Trophy na ka plate group ha ka jingïakhun pyrshah ïa ka Nagaland ha ka sngi Ba-ar.
Haba beh ïa ka ron, ka Nagaland ka kamai 127 ron duh 2 wicket ha ka sngi sdang bad ka dang shah lamkhmat ha ka Meghalaya tang da san ron.
U Swastic Chettri u kamai bun ron da 39 ron, katba u Aman Kumar u kamai 30 bad u Bipin Kumar Ray 22 ron.
U Abhishek Kumar u khur wkt ha ka over kaba nyngkong eh na bynta ka Meghalaya bad khlem da ïoh khur wkt shuh ha ka sngi sdang bad ai kamai 26 ron, katba u Sudhir Sahani u ïoh 1 wkt ai kamai 30 ron.
