Nongstoiñ, Nailar, 31: U Deputy Commissioner ka West Khasi Hills, u la pyntip ba ka NEC lyngba ka NEDFi ka la pynmih ïa ka digital platform bad ïa ka Web kaba la ai kyrteng ka ‘Advancing North East’ ha ka dur jong ka web portal, ka ban long kum ka One Stop Solution of Education Career and Livelihood, ka ban ai jingtip kaba bniah bad ban ai jingshai ïa ki khynnah samla jong ka North East shaphang ki jingpule bapher bapher, ki lad wad kam wad jam bad ki jingsem kam lajong kum ka jingseng ïa ki karkhana bad kiwei kiwei. Ïa kane ka Portal lah ban peit ha ka website www.advancingnortheast.in. Kumta la kyntu ïa ki samla ka thaiñ ba kin leit ha katei ka site na ka bynta ban jied ïa ki careers jong ki.
