Jowai: Ka jingïalehkai U Kiang Nangbah Memerial Trophy jong ka Super Division Football Tournament 2022 ba pynïaid da ka West Jaintia District Sports Association (WJDSA) ka la nang ïaid shakhmat ha Kiang Nangbah Stadium, Jowai.
Ka jingïakhun mynta ka sngi ka long hapdeng ka Khimusniang bad ka 7Wasa, ha kaba ka 7Wasa kala pynliem ïa ka Khimusniang da 3-1 kol.
Ha ka jingïakhun ka Khimusniang kala ïoh ban thep kol nyngkong ha ka kylla step jong ka jingïalehkai lyngba u Eddie Bamon ha ka minit kaba 45+1 shwa ban kut artad ka kylla step.
Haba la poi ka pali jng ka kylla miet ki rang ïalehkai jong ka 7Wasa kila ïalehkai bha, ha kaba u nongthep kol ba paw jong ka u Burom Salahe lyngba ka Hat-Trik u la ïoh thep haduh lai tylli ki kol kata ha ka minit kaba 47, 52 bad 57 kaba la wanrah jingjop ïa kane ka kynhun.
