Shillong, Lber 28: I Heprit Lasara Banbet Pathaw I la ïoh rah ïa ka Khusnam BEST ACTOR FEMALE NORTH EAST ha ka Film “ KI UMMAT” ba la direct da I Bah S Kharsyntiew.
ïa kane ka jingai khusnam la pynlong da ka PRAG CINE AWARD 2022,kaba dei ka Rynsan kaba ju bishar bniah bad ai Khusnam ïa ki film baroh jong ka North East . ïa kane ka programme la pynlong ha Silchar DSA stadium myn ha ka 26 tarik u Lber 2022. Kane ka Film kala shah Nominate ruh kum ka (1) Best Film jong North East (2) Best Director jong North East bad (3) Best Actor Male jong North East
I Lasara Banbet Pathaw i dei i khun jong i Kong Onita Pathaw bad i Bah Suresh Marwein bad i dang pule class 7 ha Laban Presbyterian Secondary School. Kum ban shu pynkynmaw ba kane ka film” KI UMMAT “ kadei ka film kaba nyngkong eh kaba ine I Heprit i shim bynta bad kumjuh ruh ka dei ka Film kaba nyngkong eh ia I Bah S Kharsyntiew ban Direct.
ïa ka ne ka film ladep pyllait paidbah teng mynshym snem ha ki tarik 19-25 Naiwieng 2021 ha Bijou Cinema Hall hynrei namar ka jingdon jong ka Khlam Covid- 19 bun ki briew ki dang salia ban leit peit.
Ka KHARSYNTIEW FILM PRODUCTION, ka ong ba lada ki paidbah ki dang kwah ban peit biang ïa kane ka Film, ka Production kan sa pyni biang ha Cinema Hall.
