Mawkyrwat, Lber 28: Ka Mawlangwir Sports Club (MSC) mynta ka kynti kan sa ïoh ban sdang ïa ka lympung ïalehkai kynjatbol ba la tip kum ka ‘Spring Festival Football Tournament 2022’ hapoh madan Saitsnad, Mawlangwir, South West Khasi Hills District.
Ha ka kyrwoh khubor ba la phah da u Secretary Tournament Committee, bah Helpiswell Lyngdoh la ong ba kane ka lympung kan sa sdang ha ka 16 tarik u Ïaïong, 2022. Ha kane ka lympung na ka liang ka sports club ka la pynbeit ruh ba kan don ka khusnam sha ka kynhun kaba jop bad kumjuh ruh kaba wan ba ar ha ka phainal bad ka bai rung na ka bynta ki kynhun ki ban sa ïashimbynta kan long T. 3000/- bad ka tarik ba khadduh kan long ha ka 2 tarik u Ïaïong, 2022.
La bthah ruh ba kino kino ki kynhun (teams/clubs) kiba kwah ban ïa shimbynta kin pyntip ha 7005126682/9485185617/7005491795.
