Shillong, Lber 28: Ka lympung ïalehkai First Division ba pynïaid da ka Shillong Sports Association (SSA) kan sdang biang mynta ka sngi Ba-ar ha madan MFA Ground, Polo, Shillong.
Ka jingïalehkai mynta ka sngi kan long hapdeng ka Smit SC pyrshah ïa ka Nongthymmai SC ha ka por 3:30 baje janmiet.
Kane ka lympung kala sdang naduh ka 26 tarik Lber 2022 ha kaba ka jingïalehkai kaba nyngkong kala kut da kaba ïakhaid hapdeng ka Umphyrnai SC bad Lawsohtun SC.
Katba kine ki ar tylli ki team kin ïakhun tyngeh beit triang ban ïoh khur pura ïa ki lai point. Kum ban pynkynmaw hangne ba mynta ka samoi 2022 ki don hynñiew tylli ki team kiba ïashim bynta, kiba kynthup ïa ka Umphyrnai SC, Lawsohtun SC, Smit SC, Nongthymmai SC, Nongrim Hills SC, Imson SC bad ka Sawmer SC.
