Jowai, Nailar 20: Ka Khasi Student Union (KSU) Nangbah Unit hynnin ka sngi 18.08.2022 hapoh ka jingïalam u samla Morning Star Pasi President, u samla Euginesius Hinge Secretary ha ryngkat ka jingïadonlang ki khun samla bad ki longkmie jong ka Shnong, kila leit ban khang tala ïa ka PNB Bank Nangbah Branch halor ka jingbym kheiñ snep ïa ki mat jingdawa ban pynbiang ïa ka Update Machine, ka rukom treikam jong ki staff haka ban ai ïa ka jingshakri kaba bha tam ïa ki paitbah nongshong shnong bad ban buh ïa ka wei ka ATM Machine.
Kane ka seng kaba don hapoh jong ka shnong Nangbah kala buh ïa kane ka jingkylli ba sngew lehraiñ ba balei tang i kam i ba rit eh, hynrei katei ka Bank wat haduh shi snem ka jingdawa ym shem la ïohi dak wat tang i wei ruh??.
La ïathuh da ka seng ha ka kyrwoh kum ba long mynta ki pait nongshong shnong ki la donkam palat ïa katei ka ATM Machine khnang ban pynsuk ïa ki pait nongshong shnong katkum ka jingïaid jong ka por. Ïa kitei ki jingdawa ka seng kala ap la kumba shi snem eiei bad kaba sngewsih ka long ba katei ka Bank Branch haduh mynta kam patiaw eiei ïa kane ka jingdawa.
Kumta ka seng da ka jingsnewbitar ïa ka jingbym kheiñ snep ïa kitei ki mat jingdawa kim banse ban shim ïa kane ka rai ban khang noh shisyndon khlem da buh ïa ka por tad haduh ban da ïohi ïa ki dak ba kila urlong ki jingdawa.
Na ka liang ka seng ka shim ruh ïa kane ka kabu ban ai khublei biang sa shisien ïa baroh ki para dkhot bad khamtam ïa u Waheh Shnong ha ryngkat bad ki EC Members jong ka shnong ba ki la ai ïa ka jingkyrshan bapura ïa ka seng tad haduh ba katei ka jingthmu kala long kaba jop bad kiba ïaid beit.
Kyntang ïawai ka kyrwoh kaba shai ïa ki nongpynïaid jong katei ka Bank Branch ba ka seng ka seng kan nym shong kli kti kan ïaid beit tad haduh ba kin da urlong ki mat jingdawa. Pynkut ka kyrwoh na u Samla Conciousness Susngi Publicity Secretary KSU Nangbah Unit.
