Ïa u Mahendra Singh Dhoni la kha Ranchi, Bihar ïa kaba la tip mynta kum ka Jharkhand) ha ka ka 7 tarik u Naitung u snem 1981 bad u dei u Rajput. U don ïa ka rynïeng rynïot kaba 5 phut 9 inshi bad ka kyrteng sien jong u ka dei Mahi bad u dei na ka jait Rajput. Ka shnong trai ki kmie ki kpa jong u ka dei na nongrit Lvali kaba hap ha Lamgarha block ka Almora District ka Uttarakhand.
U Dhoni u dei u rangïalehkai barim ka kynhun ïalehkai kriket ka India uba la long captain naduh u snem 2007 haduh 2016 bad u captain ha ka ïalehkai Test naduh u snem 2008 haduh 2014.
Hapoh ka jingïalam jong u kum u captain, ka India ka la ïohrah ïa ka namlahduh ka 2007 ICC World Twenty20, 2010 bad 2016 Asia Cup, 2011 ICC Cricket World Cup bad 2013 ICC Champions Trophy.
U dei ruh u rangtied bad nongap wicket uba kamai bun ron tam ha ka One Day Internationals (ODIs) da palat 10,000 ron bad la ñiew ba u dei u rangtied pynkut (finisher) uba tbit tam ha ka ïalehkai ODI bad uwei na ki captain bad rangap-wicket ba tbit tam ha ka ïalehkai international.
Ki kmie ki kpa jong u ki mih noh na Uttarakhand bad leit shong leit sah sha nongbah Ranchi namar u kpa jong u, u Pan Singh u la kiew sha ka kyrdan junior management ha ka MECON. U Dhoni u don ka para kynthei ka Jayanti bad u para u Narendra.
U Dhoni u dei ruh u nongkyrshan baradbah u Adam Gilchrist, bad u Sachin Tendulkar bad u itynnad eh ïa u aktor Amitabh Bachchan bad ka nongrwai, ka Lata Mangeshkar. Ka Shreya Ghoshal ka dei ka nongrwai kaba u ieit eh.
U Dhoni u mih madan 90 sien ha ka ïalehkai Test bad 350 sien ha ka ODI bad mih madan khatduh ha ka ODI ha ka 9 tarik Naitung pyrshah ïa ka New Zealand katba ha ka Test u mih madan khatduh ha ka 26 tarik Nohprah 2014 pyrshah ïa ka Australia. Ka T20I kaba khatduh ba u mih madan ïa ka India ka dei ha ka 27 tarik Rymphang 2019 pyrshah ïa ka Australia. Ha ka ïalehkai Test u kamai 4,876 ron katba ha ka ODI u kamai 10,773 ron.
U Dhoni u leit skul nyngkong eh ha DAV Jawahar Vidya Mandir, Shyamali, kaba la tip mynta kum k a JVM, Shyamli, Ranchi) Ranchi, Jharkhand bad dei hangne u la sdang nyngkong eh ban ïalehkai phutbl bad badminton. Naduh dangrit u Dhoni u dei u nongap kol hynrei la phah ïalehkai kriket noh ïa u da u coach ka klob ba u ju ïalehkai naduh dangrit. watla um ju ïalehkai kriket mynno mynno ruh hynrei u coach jong u u pynbor ïa u ba un ap wicket namar u ïohi ba u don sap bad naduh kane ka por u la kylla long u nongap wicket ba pura na ka Commando cricket club (1995–1998).
Namar u don ka jingnangkiew ha kane ka jingïalehkai, u la shah jied ban mih madan ha ka samoi ïalehkai u snem 1997/98 ha ka Vinoo Mankad Trophy Under-16 Championship bad ha kane ka lympung u la lah ban ïalehkai bha. U Dhoni u la shimkhïa bha ïa ka jingïalehkai kriket ha ka por ba u pule ha ka Class-X.
U dei ruh u Train Ticket Examiner (TTE) ha Kharagpur railway station naduh u snem 2001 haduh u 2003, bad kane ka hap hapoh ka South Eastern Railway in Midnapore (W),ka district ha jylla West Bengal. Ki paralok ba ïatreilang ki sngewtynnad bha ïa u namar u dei u briew uba shida bad uba trei hok ïa ka kam ha ka Indian Railways. Nalor kane u dei u briew uba jop ha ka jingim shimet. La ïathuh ha ka por mynsiem u Dhoni u ju leit shang kylleng ki quarter jong ka steshon rel ha ryngkat ki paralok jong u bad tengteng ki paralok ba ïatreilang ki ju mutdur ba ki dei ki ksuid namar ki la tap ïalade da ka jaiñlieh bad shangkylleng kylleng ka complex. Hynrei kane ka khana ka la pawnam ha ka sngi kaba bud.
U Dhoni u mih madan nyngkong ïa ka India ha ka ODI ha u Nohprah 2004 pyrshah ïa ka Bangladesh, bad mih madan nyngkong ïa ka Test ha u snem 2015 pyrshahïa ka Sri Lanka. U Dhoni u la ïohpdiang ruh bun tylli ki khusnam, kynthup ka ICC ODI Player of the Year award ha u snem 2008 bad 2009 (u rangïalehkai nyngkong ban khur arsien ïa kane ka khusnam), Rajiv Gandhi Khel Ratna award ha u snem 2007, Padma Shri, kaba dei ka khusnam ba saw na kiba heh tam na ka bynta ki riewpaidbah kaba u khur ha u snem 2009 bad Padma Bhushan, kaba dei ka khusnam ba lai ha ka jingpawnam ïa ki riewpaidbah kaba u khur ha u snem 2018. U la long ruh u captain ka ICC World Test XI ha u snem 2009, 2010 bad 2013. U la shah jied ruh haduh phra sien ha ka ICC World ODI XI team, san sien kum u captain.
Ka Indian Territorial Army ka la ai ïa u da ka kyrdan Lieutenant Colonel ïa u Dhoni ha ka 1 tarik Naiwieng 2011. U dei u rangïalehkai kriket ba-ar ka India ban ïohpdiang ïa kane ka kyrdan hadien u Kapil Dev.
U Dhoni kum u captain u la khur bun ki recrod kum u captain ka India ba jop tam ha ka ODI bad T20I, bad uba jop bun tam kum u captain ha ka ïalehkai ODI ka India.
U la shimti ïa ka kam captain ka India ha ka ODI na ka kti u Rahul Dravid ha u snem 2007 bad ïalam ïa ka India ban khur ïa ka namjop ODI series kaba nyngkong ha Sri Lanka bad New Zealand.
Ha u Jylliew 2013, ha ka por ba ka India ka pynliem ïa ka England ha ka final ka Champions Trophy ha England, u Dhoni u la kylla long u captain ba nyngkong ka India ban jop ha baroh lai tylli ki format ïalehkai ka ICC (World Cup, Champions Trophy bad World Twenty20). Hadien ba shimti kum u captain Test ha u 2008, u Dhoni u ïalam ïa ka India ban jop series ha New Zealand bad West Indies, bad Border-Gavaskar Trophy ha u snem 2008, 2010 bad 2013. Ha u snem 2009, u la ïalam ïa ka India ban bat kyrdan nyngkong ha ka sien nyngkong ha ka ICC Test rankings.
Ha u snem In 2013, kum u captain, ka India ka la kylla long ka team kaba nyngkong ha pyrthei hadien 40 snem ban pynïaid thylli ïa ka Australia ha ka Test series.
Ha ka Indian Premier League, kum u captain u la ïalam ïa ka Chennai Super Kings ban rah ïa ka namlahduh ha u snem 2010, 2011 bad 2018 kumjuh ban pynjop ïa ka Champions League Twenty20 ha u snem 2010 bad 2014. Ha u snem 2011, ka Time magazine ka la pynrung ïa ka kyrteng u Dhoni ha ka Time 100 list kum uwei ‘na ki briew ba la lah ban pynïap beij ïa ki briew ha shityllup pyrthei.”
U Dhoni u la bat ruh ïa ka kam Vice-President ka India Cements Ltd., hadien ba u la iehnoh kam na ka Air India. Ka India Cements ka long trai ruh ïa ka Chennai Super Kings, bad u Dhoni u la long u captain naduh ba sdang nyngkong ka IPL. U la pynbna shongthait na ka ïalehkai Test ha ka 30 tarik Nohprah 2014.
Ha u snem 2012, ka SportsPro ka la ñiew ïa u Dhoni kum u nongïalehkai sport ba 16 ba ïaid ïew tam ha ka pyrthei. U Dhoni u dei ruh uwei na ki trai ka club Indian Super League, ka Chennaiyin FC. Ha u Jylliew 2015, ka Forbes ka la kyntiew kyrdan 23 ïa u Dhoni kum u rangïalehkai sport ba heh jingsiew ha pyrthei, da kaba kamai US$31 million. Ha u snem 2016, la pynmih ïa kawei ka phlim M.S. Dhoni: The Untold Story kaba la thoh shaphang ka jingim une une u rangïalehkai kriket ka India haduh ba u jop ïa ka 2011 Cricket World Cup.
U MS Dhoni u la pynbna shongthait noh na ka ïalehkai ri (international cricket) ha ka 15 tarik Nailar 2020.
U la long u kapten ka Chennai Super Kings ha ka Indian Premier League (IPL) naduh u snem 2008-2015 hynrei u ïasoh bad ka Rising Pune Supergiants naduh u snem 2016. U la pawnam kynsan ha ka One Day International (ODI) ha u Nohprah u snem 2004 ha ka jingïakhun pyrshah ïa ka Bangladesh, bad ha u snem uba bud u la ïohmih madan ha ka jingïalehkai test kaba nynkong eh pyrshah ïa ka Sri Lanka.
U la kylla long u kapten ka kynhun ïalehkai kriket ka India bad dei ba u uba ïalam ïa ka India ba kan jop pyrshah ïa ka Sri Lanka bad New Zealand. Dei happoh ka jingïalam jong u kum u kapten ba ka India ka la lah ban pynliem ha ka sien kaba nyngkong eh ïa ka Australia ha ka Test series.
U Dhoni u la lah ruh ban ïalam ïa ka kynhun ïalehkai ka India ba kan ïoh bat ïa ka kyrdan kaba nyngkong eh ha ka ICC ranking ha ka jingïalehkai Test kata ha ka sien kaba nyngkong eh. Dei hapoh ka jingïalam jong u ba ka India ka la jop ïa ka ICC World Twenty20 u snem 2007, bad CB Series u snem 2007–08, Border-Gavaskar Trophy ha u snem 2008 bad 2010 pyrshah ïa ka Australia, Asia cup 2010 bad World Cup ha u snem 2011.
U la shah jied ban long ruh u kapten ka ICC World Test bad ICC ODI ha u snem 2009. Ha ka final ka Cricket World Cup u snem 2011, u la lah ban ïalam ïa ka India sha ka namlahduh hadien ba u la kamai haduh 91 run khlem hap na ki 79 bol bad u la khur ïa ka “man of the match” ha kane ka lympung.
U Dhoni u la ïoh khur ruh ïa bun tylli ki award kiba kynthup ïa ka ICC ODI Player of the Year award ha u snem 2008 bad 2009 (bad u dei ruh u nongïalehkai kriket ba nyngkong eh ka India ban khur ïa kane ka award ha ki 2 snem kynthih), bad u la khur ruh ïa ka Rajiv Gandhi Khel Ratna award bad Padma Shri, kaba dei ruh ka khusnam kaba hehtam ïa ki riewpaidbah ha India kata ha u snem 2009.
Kum u nongïalehkai ha ka Junior cricket: U Dhoni u la mih madan na ka Bihar U-19 ha ka samoi ïalehkai 1998/99 bad u la kamai haduh 176 runs na ki 5 sien ïakhun bad kane ka kynhun ka la wan ha ka kyrdan kaba saw na ka group 6 hynrei kam shym la ïohrung sha ka quarter final. U Dhoni um shym la shah jied ban mih madan ha ka East Zone U-19 (CK Nayudu Trophy) bad Rest of India (MA Chidambaram Trophy bad Vinoo Mankad Trophy).
Ka Bihar U-19 cricket team ka la ïoh rung sha ka phainal ha ka samoi ïalehkai 1999–2000 ha ka Cooch Behar Trophy ha kaba u Dhoni u la kamai haduh 84 run bad ïarap pynpoi ïa ka Bihar ba kan kamai 357 run. Hynrei ka Punjab U-19 ka la jop ha kane ka jingïakhun ha kaba u Yuvraj Singh u la ïalam ïa kane ka kynhun ban pynjop. Ha kane ka lympung u Dhoni u la kamai haduh 488 run na ki 9 sien ïakhun bad khur haduh 5tylli ki half century. U la paw ka nam hadien ba u la lah ban ïalehkai bha ha ka East Zone U-19 ha ka CK Nayudu trophy hynrei u la kamai tang 97 run na ki sawsien ïakhun.
U Dhoni u la hiar noh na ka shuki kapten ODI, T20 ka India ha u Kyllalyngkot 2017 kata shuwa ka jingïakhun ïa ka ODI series ha la ïing pyrshah ïa ka England.
U Dhoni u la mih madan khatduh eh ïa ka test ha ka samoi 2014–15 pyrshah ïa ka Australia bad long kapten ha ka test kaba ar bad balai. Ha ka test kaba lai ha Melbourne, u Dhoni u la pynbna shongthait noh na ka ïalehkai test.
Kum u nongïalehkai ha ka Team Bihar: U la mih madan na ka Bihar ha ka Ranji Trophy ha ka samoi ïalehkai u snem 1999–2000 ha ka rta kaba 18 snem. U la khur nyngkong eh ïa ka Half century kaba nyngkong eh hadien ba u la kamai 68 ron ha ka inninng kaba ar pyrshah ïa ka Assam cricket team. U Dhoni u la pynkut ïa kane ka samoi ïalehkai da kaba kamai 283 run na ki 5 sien ïakhun.
U la khur nyngkong eh ïa ka century kaba nyngkong eh jong u dei ha ka jingïakhun pyrshah ïa ka Bengal ha ka samoi 2000-01. Nalor kane ka century, u dei u nongïalehkai uba tyngshaiñ tam ha utei u snem. Ha ka samoi ïalehkai 2001-02 u la khur haduh 5 tylli ki Half century ha ka Ranji.
Ha ka samoi ïalehkai 2003/04, u la khur ïa ka century (128 ron) pyrshah ïa ka Assam ha ka jingïalehkai sdang ha ka Ranji ODI trophy. U dei u dkhot ka East Zone ha ka por ba ka ïohrah ïa ka Deodhar Trophy. Ha une u snem 2009, u Dhoni u la wan hakhliehduh duh napdeng ki 10 ngut ki rangïalehkai kriket ba heh kamai tam katkum ka jingpynbna da ka Forbes bad u la wan ha ka kyrdan kaba 31st nadeng ki nongïalehkai sport ba riewspah tam ha ka pyrthei kane ka long katkum ka jingpynbna da ka Forbes ha u snem 2012.
2015 Cricket World Cup: Ha ka 2015 World Cup kaba la long ha Australia bad New Zealand, u Dhoni u la long u captain jong ki 30 ngut ki rangïalehkai ka India bad la jied da ka BCCI ha u Nohprah 2014. Hapoh ka jingïalam kum u captain, ka India ka la ïohrung shaduh ka semi-final da kaba pynliem ïa ka Bangladesh ha ka quarter-final.
Hynrei ha ka semi-final ka shahrem noh ha ka Australia ha ka jingïakhun ha Sydney Cricket Ground. Ha kane ka jingïakhun ka India ka jop 7 sien kynthih khlem shahrem bad 11 sien ha baroh ki jingïalehkai world cup.
Da ka jingjop ïa ka Bangladesh, u Dhoni u la kylla long u captain ba nyngkong bym dei na Australia ban jop 100 tylli ki jingïakhun ODI, u captain ba nyngkong ka India ban ïoh khur ïa kane ka nam. U la long ruh u captain uba lai ban jop 100 sien ki jingïalehkai hadien u Ricky Ponting bad Allan Border ka Australia.
Ïalehkai T20I: U Dhoni u dei u dkhot ka India ban mih madan ha ka Twenty20 international kaba nyngkong ha ka history. U la mih madan nyngkong pyrshah ïa ka South Africa ha u Nohprah 2006.
Ha ka 12 tarik Rymphang 2012, u Dhoni u kamai 44 ron khlem liem bad ïalam ïa ka India ban pynliem ïa ka Australia kaba dei ruh ka sien nyngkong ha ka jingïakhun ha Adelaide. Ha ka over kaba khatduh, u la tied ïa ka sixes kaba her haduh 112 meter na ka bol u Clint McKay. U Dhoni u la ong ba kane ka sixes ba u thlieh ka tam ban ïa kaba u tied ha ka final ka ICC World Cup ha u snem 2011.
U la khur ruh ia ka khusnam captain & wicketkeeper of the ‘Team of the Tournament’ for the 2014 T20 World Cup ba la sam da ka ICC.
2007 ICC World Twenty20: U la ialam ia ka India ha ka ICC World Twenty 20 trophy ha South Africa, da ka jingjop pyrshah ia ka Pakistan ha ka jingiakhun kaba thnem bha ha ka 24 tarik Nailur 2007, bad kylla long u captain ba nyngkong ka India ban jop ia ka World Cup ha baroh lai jait ki jingialhekai kriket hadien u Kapil Dev. U Dhoni u la hiar noh na ka shuki captain ODI & T20 ka India ha u Kyllalyngkot 2017, kata shuwa ka jingïakhun ODI series ha la ïing pyrshah ïa ka England. Ha ka jingïakhun ïa ka ODI kaba ar u kamai 134 ron na ki 122 bol bad 256 ron kaba u ïa kamai lang bad u Yuvraj Singh. U dei ruh u rangap wicket ba nyngkong ban khur 100 tylli ki stumping bad tam ïa u Kumar Sangakkara.
2019 Cricket World Cup: U Dhoni u dei uwei na ki 15 ngut ki rangïalehkai ka India ban mih madan ha ka 2019 Cricket World Cup kaba la long ha England bad Wales. Ha kane ka World CUp u Dhoni u khlem lah ïalehkai bha shuh bad u la shah kynthoh jur khamtam halor ka jingbym lah kamai bha pyrshah ïa ka Afghanistan bad England. Ha ka semi-final pyrshah ïa ka New Zealand, u Dhoni u kamai ïa ka half-century hynrei sniewbok ka India ka la khyllem noh na kane ka World Cup ron.
Ka spah u Dhoni ka la kot sha ka USD 26.5 million katkum ka jingai jingkheiñ ka Forbes. Namar kata u la kylla long u nongïalehkai sport uba riewspah tam ha India bad u la tam ban ïa u Sachin Tendulkar. ka pyrthei.
U Dhoni u la kyntiew kurim bad ka Sakshi Singh Rawat ha ka 4 tarik u Naitung u snem 2010. Ka Sakshi Dhoni, ka dei na Dehradun, Uttarakhand. Ha ka por ba u kyntiew kurim, ka Sakshi ka dang pule ïa ka laiñ Hotel Management bad ka la long ka nonghikai ha Taj Bengal, Kolkata. Hadien ba u kpa jong ka u la shongthait noh na ka kam ba u trei kum u heh kawei ka kper slasha, ka Sakshi bad kiba haïing hasem ki leit shong leit sah noh sha Dehradun. Ka jingkyntiew kurim ka la long kaba shongshit bha ha kaba ki aktres Bollywood, ka Bipasha Basu, ka paralok ba ïajan eh u Dhoni ka la wan shimbynta.
U la rung sha ka India A ha u snem 2003-04 ha ka jingïakhun pyrshah ïa ka Zimbabwe bad Kenya. Pyrshah ïa ka Zimbabwe XI ha Harare Sports Club, u Dhoni u la ïoh kem haduh 7 sien bad pynhap stump 4 sien. U la ïasoi kontrak bad ka Chennai Super Kings ha ka dor 1.5 Million USD bad u la kylla long u nongïalehkai kriket ba remdor tam ha ka lympung ïalehkai IPL.Ka bat kaba tied u Dhoni ha ka final ka 2011 Cricket World Cup la die ha ka dor T.72 Lakh bad ïa ka pisa kaba mih la noh synñiang sha ka Sakshi Rawat Foundation, kaba pynïaid hi da ka kurim, une u rangialehkai, ka Sakshi Rawat ban ïarap ïa ki khun swet.
National honours:
2018: Padma Bhushan
2009: Padma Shri
2007-08: Rajiv Gandhi Khel Ratna.
Kiwei pat ki khusnam:
MTV Youth Icon of the Year: 2006,
LG People’s Choice Award: 2013
Honorary doctorate degree:
De Montfort University ha u Nailar 2011