Shillong, Nailar : ïa ka phlim ka ba la ai kyrteng “Ka Bor Jong Ka Kyiad” jong ka ‘Ringdur Entertainment’ shen yn sa pyni noh hapoh Bijou Cinema Hall, Shillong.
Ha kane ka phlim, u tynshop lamkhmat u dei u samla Batistuta Tynsong na ka shnong Nongmadan Shadsngihajan Pynursla bad ka puron lamkhmatka dei ka Samla Shisha Dkhar kaba na ka shnong Mawshun ka ba don sharum Pynursla, bad don ruh kiwei kiwei pat ki tynshop ki puron kiba don bynta lang ha kane ka phlim.
ïa kane ka phlim la pynmih (Produce) bad direct da u Bah Shemphang Tynsong uba na pynursla bad ryngkat bad ka kynhun jong u ka “Ringdur Entertainment”. Ha kane ka phlim ka don ka khana kaba la ring pynwandur shaphang kawei ka longïing ha kawei ka shnong ka ba ïakynduh shibun ki jingeh tang na ka daw ka jingdon uwei u dkhot jong ka longïing uba la ngop palat ha ka jingdih kyiad haduh ba kata ka longïing kam lah khie khlieh shuh ha ka imlang sahlang.
Ha kane ka phlim ka don ka jingïashoh ka ba kham itynnad bad ka ba I hun ban peit bad ka ban pynsngewtynnat namar ki don ki bynta ki ban pynsamrkhie ïa ki nongpeitkai, la pyni ruh haduh katno ka jingkyrni palat ha ka kyiad, ka pynsniew ym tang ïa u nongdih hynrei wat ïa ka ïing ka sem jong u bad ka ktah ruh ïa ki para marjan marpa kumjuh.
