Shillong, Nailar 04: Ha ka jingïa khun pyrshah ïa ki riew sniew kiba juh mlien ban tuh ïa ki tiar na ki ïing briew ki pulit hapoh ka jingialam jong ka kong Joyti Wahlang MPS, Bah P. Syiem SI ba dei na Nongthymmai bad ki pulit ka Rynjah kila pynlong ia ka jing ïaid pahara ba jur bha ha Nongthymmai ha kaba kila ïoh ban bat ïa u Wanstep Lyngdoh 27 snem uba sah ha Nongrim Hills bad ia u Banroplang Jyrwa 24 snem uba sah ha Rngijynriew Neng Nongthymmai.
Kine ki ar ngut kiba la shah bat ha ki pulit ha ka 2/8/2022, ki la kubur ba kila don kti ha kaba tuh ïa ki tiar na Rynjah bad ïa ki tiar kiba la tuh kil a die ïa ki ha u wei u briew ba don ha Iew Mawlong halor kane ki pulit ki la pynlong ïa ka jingtohkit ban lap ïa u nongthied ïa ki tiar kiba la die.
Ha kane ka jingtohkit ha ka 3/8/2022 da ka jingïarap ki pulit kiba don ha Cantonment hapoh ka jingialam u SI J Wahlang kila ïoh ban bat ïa u Abdul Motalif 21 snem bad na u la ïoh ban kurup biang kawei ka Asus laptop, 2 tylli ki HP laptop, 1 Dell laptop, 1 Canon Power shot SX430 IS, 1 Canon camera IXUS, 1 VIVO mobile phone.
