Jowai, Naitung 31: Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association Jowai ha kane ka sngi ha madan Kiang Nangbah Stadium, Jowai.
Haba phai sha ka jingïakhun ba nyngkong kaba la long hapdeng ka Ladthadlaboh pyrshah ïa ka Kseh Sylle Ialong kala kut noh da ka jingïakhait da 0-0.
Ha ka jingïakhun kaba ar kila ïakhiad da mar shikol 1-1 hapdeng ka Iawmulong Nartiang bad ka Evergreen Mukhla, ïa ka kol na ka Iawmulong Nartiang la thep da u Shemhok Phalynki ha ka minit ba 39 bad na ka Evergreen Mukhla la thep da u Ariwotki Dkhar ha ka minit ba 53.Ka jingïakhun ba lai kila ïakhaid 0-0 hapdeng ka Lumkyrwiang pyrshah ïa ka Mynthong, Katba ha ka jingïakhun kaba saw ka kynhun jong ka Chilliangraij kala pynliem da 1-0 kol ïa ka Sohmynting, ïa katei ka shikol la thep da u Willing Kurbahha haka minit ba 6
