Lyngba ka jingïakob rwai la pynsngewthuh ïa ka jingdonkam ban pynneh ïa ka kolshor bad riti dustur

Shillong, Risaw 17: Ka tnad kolshor bad riti dustur, ka sorkar Meghalaya ka la pynlong ïa ka jingïakob rwai ïa ki jingrwai tynrai jong ka State-Level Inter-School kaba hap hapoh ka Reform Utsav – Jan Jatiya Gaurav Divas 2026 ha State Central Library, Shillong, kaba long ruh kawei na ki jingïakob na ki skul bad ki kolej bapher bapher ha kylleng kane ka jylla.
Ha katei ka prokram, la don u Myntri ka kolshor bad riti dustur, u Bah Sanbor Shullai, kum u kongsan, katba u Bah Frederick Roy Kharkongor, IAS, Principal Secretary, kila donlang ha katei ka prokram kum ki nongshah khot sngewbha.
Ki skul bad kiwei kiwei ki skul bah kiba la ïashim bynta, kila ïoh jingïaroh na ka bynta ka jingshad jong ki, kaba la pyni ïa ki jingrwai tynrai, jingput jingtem bad kiwei kiwei ki jingrwai kiba la kynud sur na ki jingrwai hyndai jong ka jylla.
Ka jingïashim bynta ha ki jingshad da ki khynnah skul bad ki samla pule ha ki kolej ka pyni ïa ka jingriewspah bad ki sur jingrwai tynrai jong ka jylla Meghalaya bad ka pynpaw ruh ïa ka jingdonkam ban pynneh bad pynsah bad pynkhlaiñ ïa ka tynrai kaba long hapdeng ka pateng ban wan ki samla.
Katei ka jingïakob rwai ka pynïoh ïa ka rynsan na ka bynta jong ki khynnah pule ba kin pyni ïa la ki sap ki phong jong ki katba ka jingpynshlur ban sngewthuh bad kyntiew ïa ka riti dustur kaba riewspah jong ka jylla bad ban pynneh pynsah bad aiti ïa ki kolshor bad ki jingrwai tynrai sha ki pateng ki ban wan.