Nongpoh, Risaw 15: Ka seng Federation of Khasi Jaiñtia and Garo People, Nongpoh Circle hapoh ka jingïalam u Samla Precious Khymdeit kum u President lem bad ki dkhot mynta ka sngi kila leit ban leh da ka kam isynei bad ïarap ïa kawei ka longiing jong kawei ka longkmie kaba shem pap ryngkat 4 ngut ki khun rit haka shnong Mawroh, haka thaiñ Nongpoh kiba la shu sah ha kawei ka iing kaba la jot rathai bad jan khyllem namar ka jingban ka jingduk bad kim iohlad ban shna ïing.
Naka liang ka seng haka bor ba rit kila ioh ban leit synñiang da ki tin sop iing sha katei ka longiing ba kin ioh ban tap bad pynbha ïaka iing ban lait naka lyer u slap bad ha kane ka sngi la don lang ruh u Bah Roney Majaw Rangbah Dong ka shnong Mawroh.
U Samla Precious Khymdeit kum u nongïalam ka seng u la ong ba hadien ka jingpynsngew na u Bah Roney Majaw ba dei ruh uwei naki dkhot ka seng, naka liang ka seng FKJGP kila shimkhia ban wad ki lad ki lynti ban ioh ïarap ïa katei ka longiing bad haka bor barit jong ka seng kala lah ban aiti da ki tin sopiing sha katei ka longiing.
U Samla Precious Khymdeit u la pynpaw ruh ba katei ka ïing ka donkam kyrkieh ïa ka jingpynbha namar ka la jot palat bad kam long shuh kaba shngaiñ ban shong ban sah, namar ka don ka jingma ba ka lah ban khyllem ha kano kano ka por.
