Shillong, Lber 24 : U Myntri ka tnad kam ïalehkai sport jong ka jylla u Bah Banteidor Lyngdoh u la ai jingïarap 1.30 lak tyngka sha ki ar tylli ki kynhun bad arngut ki samla kiba napoh constituency ki ban leit ïashim bynta ha ki jingkhun Wushu bad Kurash ki ban long shabar ka jylla.
Na ka bynta ki ban leit ïashim bynta ha ka jingïalehkai Wushu ka ban long ha Noorul University, Kumaraloil Thukalay, Tamil Nadu u Myntri u la ai jingïarap 50 hajar tyngka sha ka Meghalaya Wushu Association bad mar 15 hajar sha ki arngut ki nongïashim bynta ha kane ka jingïalehkai kiba dei napoh ka Constituncy jong u kita u Pynïohnam Myrboh bad u Wadlad Banteilang Kharsahnoh. Kine kin ïashim bynta ha ka 21st Sub Junion National Wushu Championship.
Ïa ki ban leit ïashim bynta sha ka jingïalehkai Kurash ka ban long ha Dhanbad kaba dei ka 5th Sub Junior National Kurash Championships u la ai 50 hajar tyngka.
Ryngkat bad kane ka jingai jingïarap u myntri u ai ruh ka jingkyrkhu kyrdoh bad kitbok ba kine ki kynhun ki wanah ïa ka nam ka burom ïa ka jylla ha kitei ki jingïashim bynta jong ki.
