Shillong, Risaw 6: Kawei ka samla Garo kaba 26 snem ka rta ka la shah thombor bad shah lute ha ka kynhun ki briew kiba la suba ba ki dei ki nongdih drok ha Nongmensong, Shillong ha ka miet sngi Nyngkong.
Uwei u nongialam jong ka Village Defence Party (VDP) u la pyntip ba kumba lai haduh saw ngut ki briew kiba la suba ba ki dei ki nongdih drok ki dei kiba donkti ha katei ka jingthombor.U wei na kitei ki runar la tip kyrteng kum u “Gunni”, u la ong.
Kane ka samla kaba la tip kyrteng kum ka Silvina T Sangma kaba sah shipor ha Umkdait, Nongmensong ka dang ïaid lynti hajan ka Reliance Trends ha ka por kumba 9 baje mynmiet ha kaba la kynnoh ba ka la shah thombor da ki tiar ba nep bad lute ïa ka pisa bad ka mobile jong ka.
La iathuh ba ka Sangma, ka la mynsaw jur na ryndang, ha ka por ba ka dang pyrshang ban phet krad na kitei ki nongthombor. Kawei ka longkmie kaba la wan ban iarap ïa ka, ka la iathuh ba ka la lap ïa ka Sangma ba ka la mih snam bad la iathuh ba ka la shah thombor bad la knieh noh ïa ka mobile jong ka.Hadien kata la rah noh ïa ka sha NEIGRIHMS ban ïoh jingsumar.
La iathuh ba uwei uba suba i nongthombor u la shah bat ha ki paidbah tang hadien katei ka jingjia.
Ki pulit ki dang tohkit ïa katei ka kam bad ki dang pyrshang ban lap ïa ka jinglong bad ka bynta jong kiwei pat ki suba donkti.
