Jowai, Risaw 06: Ka Sub-Divisional Officer (Supply), Amlarem Sub-Division kala pynbna paidbah ba ïa u khaw uba hap hapoh ka NFSA (AAY & PHH) bad ka Non-NFSA naka bynta u bnai Risaw, 2026 la sdang ban pyllait noh sha baroh ki Fair Price Shop Dealers haduh ka 15 tarik u bnai Risaw, 2026 katkum kine ki kyndon.
Na ka bynta u khaw AAY yn sam ha ka jingthew kaba 35 kilo kawei ka longïing (ym donkam siew Pisa). Ïa ka bhah u khaw PHH kan long 5 kilo shi khlieh (ym donkam siew Pisa) bad ïa u khaw Non-NFSA kan long 7.215 kilo shi card ha ka dor ba ym palat ïa ka Rs.14/- shi kg.
Lada don kino kino ki ba shim da ka pisa ne ki bym ïoh ïa kitei ki mar jong ki, ki lah ban ujor ha ka Sub-Divisional Officer (Supply), Amlarem Civil Sub-Division, da kaba thoh shai ïa ka kyrteng bad ka shnong jong ki khnang ba yn lah ban pynshitom ïa ki. Lah ruh ban ujor ha kine ki number harum:- Sub-Inspectors – 9436110184/8731025753 ne Email: sdo_amlarem@outlook.com
