Mawkyrwat, Lber 24: Ka Mawten Sports Club (MSC) sa shisien pat kan pynlong ïa ka lympung ïalehkai kynjatbol na ka bynta ki Rangbah kiba la 40 snem karta shaneng.
Ïa kane ka lympung yn pdiang tang 16 tylli ki kynhun, ka bai rung ka long T. 4,000/- tyngka kawei ka kynhun bad kan don ruh ka khusnam ba ynsa sam sha ka nongjop bad ïa kaba wan ba ar) bad yn ai ïa ki khusnam shimet.
Ka tarik ban pynkut ïa ka jingpyntikna ban wan ïashim bynta kan long ha ka 10.04.2022 bad ban sdang ïa jingïalehkai ha u bnai Ïaïong (April) mynta u snem.
Kumta la khot la wer lang ïa ki kynhun kiba najan bad kiba na jngai kumjuh ban wan ïashim bynta ha kane ka lympung ïalehkai kynjatbol ka ban sa long ha ka Madan Mawpyllun (Mini Stadium) ha Mawten, Mawkyrwat, South West Khasi Hills District.
Pyntip ha u 8787367146/8414012633 ïa ka jingïashim bynta da kaba pyntikna ïa ka kyrteng jong ka kynhun bad ïa u WhatsApps Mobile No jong u nongpynïaid ne kapten khnang ba yn lah ban ai ïa ki jingpyntip kiba donkam hadien. Kane ka long na ka kyrwoh khubor na u Secretary, Vateran Tournament Committee, Mawten Sports Club.
