Shillong, Nailur 29: Ha ka jingkiew ka jinging ding sha ki khlaw bad ki jaka jong ka imlang ka sahlang kaba ap jingma ruh ïa ki, ki nongtrei, samla pule, ki samla bad ki nongmihkhmat jong ka Betasing kila ïoh jinghikai kumno ban pynlip ding bad ioh ki lad jingiada ha ka Social Forestry Range, Betasing.
Ïa katei ka prokram ai jinghikai, la pynlong da ka Social Forestry Range, Betasing, kaba la wanrah lang ïa ki Nokmas, kiba dei ki samla pule jong ka skul Betasing Secondary School bad ka Little Academy Secondary School, ki dkhot jong ka Joint Forest Management Committees (JFMC) bad ki Village Forest Fire Control Committees (VFCC), ki nongtrei jong ka Social Forestry Range bad ki pulit pynlip ding na ka Fire and Emergency Services.
La pynlong ïa katei ka prokram da ka Sanchi Tamasil M. Sangma, kaba la kren shaphang ka jingïoh jingïada na ka jinging ding ki khlaw bad ki lad ki lynti ban teh lakam ïa ka jinging ding. Ka la ban jur halor ka jingdonkam jong ka jingpynshai ïa ki paidbah, ka jingpynkhreh bad ka jingtehlakam ha ka por kaba biang ban khanglad ïa ka jingpluh ka khlaw bad ban pynduna ïa ka jingpur ka ding.
Katba u Ongkolsing Arengh, SRSO, Ampati, uba dei na ka Fire and Emergency Services, u la pynlong da ka jingai jinghikai ba pyni halor ka lad ban tehlakam ia ka jinging ding, kynthup ia ka jingpyndonkam bha ia ki tyndong pynlip ding, ka buit ban tehlakam ia ka jingpluh ka ding, ki lad jingiada ban shim ha ka por ba pluh ki khlaw ki btab bad ka jingithuh ïa ki jait jinging ding ba har rukom.
Kane ka jingai jinghikai ka la thmu ban pynskhem ïa ka jinglah jong ka imlang ka sahlang bad ki pulit ba kin husiar bad long kiba kloi ban ai jingiada ha ka por ki jingjia ba pluh ding ki khlaw, katba pynroi ïa ka imlang ka sahlang kaba ïashim bynta lang ha ka ban ai ki lad jingïada haba don ka jinging ding.
