Mawkyrwat, ‘Nailur 29: Ka Deputy Commissioner (Excise) jong ka South West Khasi Hills District, Mawkyrwat, ka kong A.L. Mawlong, IAS, ka la pynbna kum ka Sngi Tyrkhong Kyiad ne Dry Day ha baroh kawei ka South West Khasi Hills District katkum ka kyndon Aiñ 324 (A) jong ka M.E Act (Assam Excise Rules as adopted) ha ka 2 tarik u Risaw, 2026 ba ka dei ka sngi jong ka jingrakhe ïa ka Sngi kha jong u ‘riew khraw ka ri India Mahatma Gandhi ne Mahatma Gandhi’s Birthday.
Ha kaba ïadei bad katei ka hukum baroh ki dukan die kyiad ki ban kynthup ïa ki IMFL shops/Bars/Hotels/C.A. Bars/C.S. shops/ki canteen bad ki dukan die madan kin khang khyrdep ha katei ka sngi.
Kino kino kiba ïaleh pyrshah ïa katei ka hukum kin hap hapoh ka jingpynshitom katkum ka Excise Rules and Acts.
