Nongstoiñ, Nailur 29: Ka Deputy Commissioner (Excise) West Khasi Hills District Nongstoiñ, ka Hema Nayak IAS, ka la pynbna ïa ka 2 tarik Risaw 2026 kum ka ‘Sngi Tyrkhong Kyiad’ ha baroh kawei ka West Khasi Hills District, namar ka jingrakhe ïa ka Gandhi Jayanti.
Katkum kane ka hukum, baroh ki dukan Kyiad, ki dukan IMFL, ki canteen bad ki bonded warehouse hapoh ka district kin hap ban khang ha katei ka sngi.
Ka jingpynkheiñ ïa kane ka hukum kan khring ïa ka jingshah pynshitom katkum ki Excise Acts bad Rules kiba treikam.
