Nongpoh, Nailur 29: U Deputy Commissioner (Ex), ka Ri-Bhoi District katkum ka Sec 324 (A) ka ME Act (Assam Excise Act and Rules as adapted by Meghalaya) u la pynbna ïaka sngi tyrkhong kyiad ha baroh kawei ka district haka 2 tarik Risaw kaba dei ruh ka sngikha u Mahatma Gandhi bala tip kum ka Gandhi Jayanti.
Kumta na ka liang u DC kala hukum ban khang lut ïa baroh ki IMFL Retail Shops, Bars haki Hotels, Bonded Warehouses, Bottling Units, Breweries, Distilleries, Country made Spirit shops, Outstills, Canteens bad kiwei kiwei kiba hap hapoh u pud u sam ka Ri Bhoi District.
