Shillong, Nailur 27: Ha ka sngi U Blei kumba ha ka por 10.30 baje eiei kawei ka ïing kaba don ha Umsohsun kaba don bun tylli ki dukan ka la kem ding kynsan bad ha kane ka jingpluh ding bun ki tylli ki dukan kiba don ha kane ka ïing ki la julor.
Ha kane ka jingpluh ding la antad ba ka jingduh ba baroh ki dukan kan poi da ki phew lak tyngka, ïa ka jingkheiñ kaba bniah ki pulit pynlip ding kin da shim jingkhein hadien ba kila lah ban tem ïa ka jingklang ka ding.
Ki pulit pynlip ding kiba don ha Lum Survey mar ïohi ïa ka jingmih tdem kila beh bran bran sha kane ka dukan ka bym da jngai na jaka ba buh ïa ki kali pynlip ding, namar ka dei ka ïing ding kaba la rim ka jingklang ka ding ka la pur sted bha.
Ban ïarap ban tem ïa kane ka ding la wan ruh da ki kali pynlip ding kiba na Fire Bridge bad da ka jingkloi la lah ban tem ïa ka ding bad ha kane ka jingjia kat haduh ba thoh ïa kane ka khubor kam shym don kano kano ka jingjia kaba sngewsih.
Ha kane ka ïing ka don ka Restaurant kaba la rim bha, ki dukan jaiñ, ki dukan tiar ba bun jaid bad ha kane ka ïing shadien jong ka don ruh kiba sah briew, haba ïa dei bad kane ka jingjia ki pulit kila pynlong ïa ka jingtohkit ban lap ïa ka daw jong ka jingpluh.
