TSA 2nd Division 2026: Khur jingjop ka Mukhla Sohshrieh bad ka Laru SC
Jowai, Nailur 26: Ka lympung ïalehkai phutbol bala tip kum ka (L) Joybell Suiam Memorial Football League 2026 jong ka kyrdan 2nd Division bala pynïaid da ka Thadlaskeiñ Sport Association kaba la long ha ka 26 tarik u Nailur, 2026 ha madan Wahiajer Multi Sports Complex Stadium.
Haba phai sha ka jingïakhun kaba nyngkong ka Mukhla Sohshrieh kala jop da 2-1 kol ïaka Umladang Shiparalok FC, ïa ki kol na ka Mukhla Sohshrieh la thep da u Wansalan Sari haka minit ba 19 bad u Elbious Sari haka minit ba 62. Ïa ka shikol naka Umladang Shiparalok FC la thep da u Rimius Nongtdeh haka minit ba 22.
Katba haka jingïakhun kaba ar ka kynhun ïalehkai jong ka Laru SC kala jop da 1-0 kol ïaka Mainroad SC Wahiajer, ïa katei ka shikol na ka Laru SC la thep da u Armi Tamu haka minit ba 55.
La pyntip haka 28/09/2026 kan don tang kawei ka jingïakhun kata haka por 10 baje mynstep hapdeng ka Mukhla Nongrim pyrshah ïaka Mupliang Good Will FC.