Shillong, Nailur 21: U Ophisar IPS barim bad Nongaiktien ka BJP Bah Mariahom Kharkrang ula ujor ejahar halor ka jingdon ki briew kiba shna ïa ka facebook account thok ha ka kyrteng jong u kaba dei ruh ka sien kaba saw.
Ha ka jingkyrpad ïa ki paidbah, u Bah Kharkrang ula ong ba kine ki briew kila shna ïa ka account thok ban lum ïa ki number whatsapp, pan pisa bad kiwei kiwei.
Haba ai jingpynshai, u Bah Kharkrang ula ong “Ngam ju pan ïa u number whatsapp nangno nangno ruh lyngba ka whatsapp. Lada phi pyrkhat kane, ka dei ka bym donkam satia”.
U la bynrap, “Nga dei u Ophisar IPS barim bad ngam donkam ban pyndonkam ïa ka facebook account jong nga ban ïakren kam”.
“Ngam pan na ki briew ïa kano kano ka jingïarap pisa,” ula ong.
Haba kyntu ïa ki paidbah ba kin nym ngop ha kum kine ki jingkyrpad, u Bah Kharkrang ula ong, “Sngewbha leit pyntip sha ki Police Station ba marjan lada don kino kino kiba pan pisa lyngba ka facebook account jong nga bad sngewbha pdiang ïa kane ka jingkyrpad jong nga.”
Ula pyntip “Nga la dep ujor ejahar bad ki Pulit bad ka jingphikir jong phi kan ïarap bha ïa nga ban jop ïa kane ka jingeh kaba la leh da ki katto katne ki riew bymman”.
