Jowai, Naitung 29 : Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association Jowai kaba la long mynta ka sngi ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Mulang Ialong kala pynliem da 2-0 kol ïa ka Moosalyngkat, ïa ki kol la thep da u Chalet Phawa ha ka minit ba 54 bad u Charelang Mulieh ha ka minit ba 60.
Ha ka jingïakhun kaba ar ka Dulong ka la jop da 3-0 kol ïa ka Lumiawmuchai Shangpung, ïa ki kol la thep da u Hauni Laloo ha ka minit ba 15 bad u Budsalang Nartiang ha ka minit ba 23 & 27.
Ka jingïakhun ba lai kaba la long hapdeng ka Panaliar pyrshah ïa ka Chutwakhu, na ka liang ka Panaliar kala jop da 2-0 kol ba la thep da u Kevin Siangshai ha ka minit ba 20 bad u Risalan Kynjing ha ka minit ba 52.
Katba ha ka jingïakhun kaba saw ka kynhun jong ka Mookyndur kala pynliem da 1-0 kol ïa ka Khimusniang, ïa katei ka shikol la thep da u Patiently Lakuna ha ka minit ba 33.
