Shah thang kawei ka kali Bolero pickup ba shim wai ka Shree Cement ha Lad Jaraiñ EJHD

Khliehriat Nailar 25: Kawei ka kali Bolero pickup kaba don ia u registration number ML-11-A-8668 ka la shah thang ha Lad Jaraiñ, Elaka Sutnga, East Jaiñtia Hills District bad kane ka la jia mynta ka sngi ka 25 tarik nailar 2026 ha ka por kumba 4.30 janmiet.
Ki thymmei khubor ki iathuh ba ki la don san haduh hynriew ngut ki briew kiba la kah dur khmat ki la thang da u petrol bomb ïa katei ka kali Bolero pickup bad la ong ba kane ka kali ka dei ka kali jong ki briew shimet bad la shu shim wai da ka company Shree Cement Ltd
U Superintendent of Police ka East Jaiñtia Hills District, u Shailendra Bamaniya, IPS u la ong ba hapoh katei ka kali ki la don saw ngut ki briew kiba shong ba kynthup kynthup lai ngut ki nongtrei jong ka Shree Cement, ka kali ka dang wan na Plant bad thmu ban leit sha Khliehriat, la ong ruh ba ymshym la don kano kano ka jing mynsaw ha katei ka jingshah thang ka kali bad ka jingtohkit ka dang iaid.