Da ki taïar leit thang ki runar hakhmat jingkhang jong ki ar tylli ki ophis treikam

Mawkyrwat, Nailar 22: Ki briew bym pat lah ban ithuh ki la leit ban thang da ki taïar hakhmat jong ki ar tylli ki ophis treikam hapoh ka South West Khasi Hills District, ha ki por mynstep jong ka 22 tarik u Nailar, 2026.
Katkum ka jingtip ba la ai da u Bah B. Jyrwa, MPS, Superintendent of Police, South West Khasi Hills District, la ong ba ki briew bym lah ban ithuh ki la thang da ki taïar hakhmat jong ka ophis u Superintendent of Fisheries, South West Khasi Hills District, bad ha ka ophis jong ka District Agriculture Officer, South West Khasi Hills District.
U SP u la pyntip ba kane ka jingjia ka la jia ha ka por kumba 1 baje mynstep jong ka 22 tarik u Nailar, 2026.Watla katta, u la ong ba ka jingjulor kaba mih na kine ki jingjia ka la don ha ki bynta jong ki jingkhang.
U SP u la pyntip ruh ba ka jingtohkit halor kine ki jingjia ka la ïaid shakhmat ban lap ïa ki briew kiba donkti ha kine ki kam.