Shillong, Nailar 23: Ka Synroplang F.C. Phlangwanbroi ka la pynlong ïa ka 1st U-18 Tournament 2026 ha Madan Phlangwanbroi, kaba la sdang da ka Opening Ceremony ha ka sngi Saitjaiñ, 22 tarik Nailar 2026.
Ha kane ka sngi la wan kongsan da u bah H.M. Shangpliang, Ex-MLA Mawsynram bad State President NPP Farmer’s Front, ha ryngkat u Bah Egenstar Kurkalang, State General Secretary NPP Farmer’s Front, kum u symbud kongsan.
Kane ka tournament ka long shi bynta ban kyntiew ïa ka sap ïalehkai jong ki samla bad ban ai lad ïa ki ban pyni ïa ki sap ha ka phutbol.
La plie pyrda ïa ka jingïalehkai kaba nyngkong hapdeng Nongmadan SC pyrshah ïa Iaipyrshang FC na Mawkyrsaiñ, kaba long ka dak ba la sdang paidbah ïa kane ka lympung ïalehkai jong ki samla.
