Yn shimti u Bah D.P. Wahlang kum u Chief Secretary ba thymmai ka jylla

Shillong, Naitung, 27: Ka tnat Personel & AR (A) ka Sorkar Jylla ha ka sngi Balang ka la pynmih ïa ka jingpynbna ba la soi da ka Commissioner bad Secretary jong ka tnad Personnel & AR (A) ka Kong R. Lyngdoh ba la thung ïa u Bah Donald Phillips Wahlang ban shimti kum u Chief Secretary ba thymmai jong ka jylla.
Katkum kane ka jingpynbna, la kdew shai ba u Bah Wahlang un shimti ïa kane ka kam ha ka 31 tarik, Natiung 2022, ha ka sngi kaba I Kong Rebecca V Suchiang in shongthait noh na ka kam kum ka Chief Secretary.
Nalor kaba shimti kum u Chief Secretary, u Bah Wahlang un long ruh u Chief Vigilance Commisisoner, Meghalaya.
Shwa ban poi sha kane ka kyrdan, u Bah DP Wahlang u la bat ïa kiba bun ki tnat treikam jong ka Sorkar. Kum u Addl. Chief Secretary u la peit ïa ka tnad pule puthi, ka tnad PHE, Home (Political) Home (Police) Chairman cum Managing Director ka MeCCL bad ki lai tylli ki tnad treikam jongka ka MPGCL, MPTCL, MPDCL.
Na ka liang u Myntri ka tnad sport bad Youth Affairs bad ka tnad ka rep ka riang ( Agriculture) u bah Banteidor Lyngdoh ula ai khublei kitbok ïa u bah Wahlang u ban shimti thymmai ïa ka kam Chief Secretary bad kumjuh ruh u ai khublei ruh ia i kong Rebecca V Suchiang i ban sa shongthait noh ha ka 31 tarik namar u la ong ha ki por ba i bat kum ka Chief Secretary i la ïatrei lang bha bad ki myntri sorkar bad ki ophisar bad i long iba sngewthuh bha ban ïakren bad ïa pyni kumno ban pynïaid shakhmat ïa ki kam ruh. U la ong “ Ngi khmih lynti ba u bah Wahlang lei lei uba dei u rangbah uba la ih bha ha ka jingshakri ha ka kam un dang lah ban ai ka jingshakri ba kynsai ban wanrah ka jingkylla bad jingmyntoi ïa ka jylla bad ki paid nongshong shnong ha kiba bun ki bynta.