Shillong, Nailar 18: Ka William Carey University ka la rakhe ïa ka Anti-Ragging Week 2026 naduh ka 12 haduh ka 18 tarik u Nailar ryngkat ki prokram pynsngewthuh, ki jingïakop bad ki kam kolshor kiba thmu ban kyntiew ïa ka jinglong jingman ha ka jaka pule kaba shngaiñ, kaba kynthup lang bad kaba don burom.
Ha kane ka jingrakhe kaba la neh shi taiew la pyni ïa ki kam bapher bapher jong ki samla pule, kynthup ïa ka jingthoh essay bad ki jingthoh slogan, ka jingshna poster, ki quizzes, ki jingia tyrko, ka stage play bad ka jingïakop Reels.La pyni ruh ia ki phlim lyngkot bad ki phlim ba ïadei bad ka jingpyrshah ïa ka anti-ragging kum shi bynta ban pynsngewthuh paidbah.
Related Posts
Ïa kane ka jingrakhe la pynkut da ka jinglehkmen ha ka 18 tarik u Nailar, ha kaba la don lang u nonghikai ba la shongthait jong ka NEHU u professor O.P. Singh, kum u nongshah khot sngewbha ba kypang.
Haba kren ha katei ka jingialang, u Singh u la ban jur ïa ka jingdonkam jong ka jingkitkhlieh lang ha kaba pynduh ïa ka jingleh ragging na ki jaka pule bad kyntu ïa ki samla pule ban bat ïa ki jinglong jong ka burom, ka jingburom markylliang bad ka jinglong kaba don jingkitkhlieh.