Kynmaw burom ka KSU ïa ka lyngkhuh sngi ïap ba 5 snem jong u Bah Cheristerfield Thangkhiew

Shillong, Nailar 13: Ha ka sngi Palei na ka liang ka KSU Mawlai Circle ka lah kynmaw burom ïa ka lyngkhuh sngi iap kaba San jong i Bah Cheristerfeild Thangkhiew (Bam kwai ha Dwar u Blei) ha ka jingïadon ryngkat lang u para, ki khun ki kti, ki bahaïing hasem bad ki paralok parajor jong i Bah Cheristerfield Thangkhiew (Bam kwai ha Dwar u Blei).
Ha kane ka sngi lah don ruh ka jingïalang ba lyngkot bad shwa ban sdang lah ïoh shwa da ka jingduwai na i paralok jong i (L) Bah Che bad ïa ka jingïalang lah pynïaid da i Bah Grey Thangkhiew iba dei i para trai jong i (L) Bah Che bad lah ïoh ïa ka jingkren lyngkot na u Samla Biangbor L.Paliar uba dei u President jong ka KSU Mawlai Circle.
Hadien ka jingkren kaba lyngkot na ka liang ka seng bad ki dkhot jong ka ïing ki la ïa buh syntiew ha u mot lum jingtep ha Lawmali bad shwa ban pynwai lah ïoh ka jingpynshai na i Bah Grey halor ka jingïakhun ka jong ki ban ïoh ïa ka jingbishar kaba hok jong i Bah Che bad ïa ka ïing ka sem baroh.