Mawkyrwat, Nailar 12: Ka Nonglang Sports Club hynne ka sngi ka la plie pyrda ïa ka lympung ïalehkai phutbol kaba la tip kum ka Nonglang Super League 2026 ha madan Pyndenïewlyngdoh, ha Nonglang, South West Khasi Hills District.
Ha kane ka sngi plie pyrda ki kynhun kiba la ïalehkai ki long ka Jynmu Football Team pyrshah ïa ka Mawmi Football Team, ha kaba ka Mawmi Football Team ka la ïoh ban thep kol nyngkong eh lyngba u Wanpli Snaitang ha ka minit ba 20 bad 63.
Nangta, ha ka minit ba 34 bad 75 na u Pyndaplang K.Ryja bad own goal da i Defender u Andy Syiemlieh ha ka minit ba 69.
Kumta, tad haduh kaba kut ka Mawmi FT ka la pynliem ïa ka Jynmu FT da 5 – 2 kol.
Ïa kane ka lympung ïalehkai kynjatbol, la wan ban plie da u samla rangbah jong ka shnong Nonglang, u bah Wanjoplang Kharlyngdoh ha ka jingïadonlang jong ki riew rangbah bad ki samla jong ka shnong.
