New Delhi, Nailar 02 : U Myntri Sorkar Pdeng ba dei khmih ïa ki tnat Kam Pohiing bad Kam Ïatreilang Amit Shah u la ai jingmynjur ïa ka jingpyllait lypa ïa 2,117.85 klur na ka bynta jong ka Sorkar Pdeng ha ka State Disaster Response Fund (SDRF) ban kyrshan ïa ki jylla kiba shah ktah ha ka jingshlei um ha kane ka aiom slam jong u snem 2026.
Hapoh ka jingïalam jong u Myntri Rangbahduh Narendra Modi, ka Sorkar ka bteng ban kut jingmut ban ai lut ki jingïarap ïa ki jylla na ka bynta ki sienjam ai jingïarap bad ka jingpyllait im bad kan bteng ban peit bniah ïa ka jinglong jingman.
Naduh ba sdang ka aiom slap, ka Sorkar Pdeng ka la bteng ban peit bniah ïa ka jingshlei um ha ka jingïatreilang bad ki Sorkar Jylla. Ka Sorkar Pdeng ka la dep ban ai lut ki jingïarap, ba kynthup ruh ïa ka jingphah ïa ki kynhun National Disaster Response Force (NDRF) bad ki jingai jingïarap na ka Tnat Kam Ïada ri, haba donkam ïa kane.
La phah ruh ïa ki kynhun Inter-Ministerial Central Team (IMCT) sha Arunachal Pradesh bad Assam tban peit bniah ïa ka jingjulor. Ki la don artylli ki jingleit jong ki IMCT sha Assam namar ka jingjur jong ka jingshlei um, bad katkum ka jingkyntu jong ka Sorkar Nagaland, dang pynbiang ïa ka IMCT na ka bynta ka jylla.
Na ki hynniew tylli ki jylla ba shah ktah, ka Himachal Pradesh, Odisha bad Nagaland ki la ïoh ïa ka bynta kaba nyngkong jong ka SDRF na ka bynta u snem mang tyngka 2026-27. Ban pynthikna ïa ka jingbïang ka pisa na ka bynta ki kam ai jingïarap, u Myntri ka tnat Kam Poh Iing u la ai jingmynjut ïa ka jingpyllait lypa ïa ka bynta kaba ar jong ka bynta jong ka Sorkar Pdeng ha ka SDRF sha ka Himachal Pradesh bad Odisha. Shuh shuh, namar ka jingdonkam kyrkieh ïa ki jingdon jingem na ka bynta ki kam ai jingïarap, la ai jingmynjur ïa ka jingpyllait ïa ka bynta kaba nyngkong jong ka bynta jong ka Sorkar Pdeng ha ka SDRF na ka bynta ka Arunachal Pradesh, Assam, Gujarat bad Maharashtra da kaba pynduna ïa ki kamram ba hap ban pyndep.
Ka jingai jingmynjur ïa ka jingai jingïarap ïa ki jylla ba shah ktah ka kynthup ïa ka 44.55 klur sha ka Arunachal Pradesh kum ka jingpyllait lypa ïa ka bynta kaba nyngkong jong ka bynta jong ka Sorkar Pdeng ha ka SDRF na ka bynta u snem mang tyngka 2026-27.
La ai 379.35 klur ïa ka Assam kum ka jingpyllait lypa ïa ka bynta kaba nyngkong, katba la mynjur 500 klur ïa ka Gujarat kum ka jingpyllait lypa ïa ka bynta kaba nyngkong. Ka Himachal Pradesh, kaba la ïoh lypa ïa ka bynta kaba nyngong jong ka SDRF na ka bynta u snem 2026-27, ka la ïoh 193.95 klur kum ka jingpyllait lypa ïa ka bynta kaba ar jong ka bynta jong ka Sorkar Pdeng.
La ai jingmynjur ba ka Maharashtra kan ïoh 500 klur kum ka jingpyllait lypa ïa ka bynta kaba nyngkong. Ka Odisha, kaba la ïoh lypa ïa ka bynta kaba nyngkong, ka la ïoh 500 klur kum ka jingpyllait lypa ïa ka bynta kaba ar. Lyngba kane ka jingai jingmynjur, la pynbiang haduh 2,117.85 klur na ka bynta ki jylla kiba shah ktah ha ka jingshlei um ban pynkhlain ïa ki sienjam ban ai jingïarap. (PIB)
