Pynkyndit ka Langsning FC haduh 5-0 kol ïa ka Mumbay FC ha ka Durand Cup 2026

Shillong, Nailar 04 : Ka kynhun ïalehkai jong ka Langsning FC ka la ïoh ban pynliem haduh 5-0 kol ïa ka Mumbay FC ha ka jingïakhun kaba nyngkong jong ka Durand Cup 2026 kaba long hynne ka janmiet ha madan JN Stadium Polo.
Kane ka dei ruh ka sien kaba nyngkong eh ïa ka Langsning ba kan mih madan ha ka Durand Cup.
Ka jingïakhun ha ka kylla step watla ka Langsning ka laïoh bun tylli ki kabu ksiar hynrei kim shym la lah satia pat ban thep kol. Kumta tad haduh ban da kut ka por ïalehkai, ka jingïakhun ka la neh da mar 0-0 kol khlem da don mano mano ruh ba ïoh ban thep kol.
Dei ynda la poi ka kylla miet ba ka jingïakhun ka la nang itynnad khamtam haba u S Ahmed jong ka Langsning u laïoh ban thep ïa ka kol kaba nyngkong ha ka minit kaba 51 bad pynbud biang pat ïa ka kol kaba ar ha ka minit kaba 65.
Ha ka jingïakhun kaba pyni ïa ka jingkhlain bad ka jingstet jong ki rangïalehkai ka Langsning, ka kynhun ka la ïoh biang ïa ka kol kaba lai na u W Ryngkhlem ha ka minit kaba 89, nangta ïa ka kol kaba saw ha ka minit kaba 90+4 na u D Kassar bad ïa ka kol kaba san bad kaba khatduh pat na u S Phawa ha ka minit kaba 90+5.
Ka jingïakhun kaba bud kan dei pyrshah ïa ka Nongkseh ha ka 06tarik mynta u bnai ha ka por 7:00 baje hi ha madan JN Stadium.